Mýzeıde «Táýelsizdigimniń tiregi - Ata Zań» atty merekelik sabaq ótkizildi
Merekeni uıymdastyrýshylar - Qazaqstan Respýblıkasy Tuńǵysh Prezıdentiniń Mýzeıi men «Nur Otan» partııasynyń «Jas Otan» jastar qanaty» qoǵamdyq birlestigi.
1995 jyly 30 tamyzda qabyldanǵan Konstıtýtsııa respýblıkanyń joǵary qundylyqtary retinde adam, onyń ómiri, quqyǵy men bostandyǵy qamtylǵan demokratııalyq quqyqtyq memleket retinde damýyna jol ashty. Eldiń negizgi Ata Zańy - egemendi Qazaqstannyń ulttyq-memlekettik damýynyń irgetasyna aınalǵan tarıhı mańyzdy erekshe qujat.
Sharaǵa qatysqan J. Jabaev atyndaǵy № 4 mektep-gımnazııanyń birinshi synyp oqýshylary eldiń Ata Zańynda kórinis tapqan óz quqyqtary men bostandyqtaryn, ony jasaýdaǵy Qazaqstan Respýblıkasynyń Prezıdenti N.Á. Nazarbaevtyń rólin tanyp bildi. Sabaq barysynda Qazaqstan Respýblıkasy Tuńǵysh Prezıdenti Mýzeıiniń qorynan alynǵan beınematerıaldar men fotoqujattar qoldanyldy.
Sonymen qatar Mýzeıde ótken sabaqtan estelik retinde mektep tabaldyryǵyn alǵash attaýshylarǵa arnap, uıymdastyrýshylar syılyqtar ázirledi.