Mýzeıde keı jaǵdaıda fototúsirilim úshin aqy talap etilýi múmkin
«QR mádenıeti týraly zańǵa sáıkes, qaı uıym bolsa da bizdiń mádenı qundylyqtarymyz ben muramyzdy tolyq tamashalaı alatyndaı jaǵdaı jasaýy kerek. Mádenıet týraly zańnyń 25-babynyń 4-tarmaǵyna sáıkes, memlekettik murajaılar men mýzeı-qoryqtar ózderiniń negizgi qyzmetinen tys jumystardy júrgizip, taýarlar men qyzmetterdi satýǵa quqyly. ıAǵnı, olar jeke jáne zańdy tulǵalarmen kelisim boıynsha mindetinen tys qyzmetter úshin tólem alýǵa quqyly. Árıne, búgin de mınıstrlikke vedomstvolyq baǵynyshty uıymdarda beınejazbalar ózara kelisim boıynsha nemese kelissózderge sáıkes júrgiziledi», - dedi Aqtoty Raıymqulova OKQ brıfınginde.
Mınıstrdiń aıtýynsha fototúsirilim tegin júrgiziledi.
«Bul baǵytta biz jergilikti atqarýshy organdarmen, Qazaqstan Respýblıkasynyń vedomstvolyq baǵynyshty uıymdarymen túsindirý jumystaryn júrgizip jatyrmyz. Bizdiń ustanymymyz: mádenı muralarymyz, mýzeılerimiz, teatrlarymyz halqymyz úshin tolyq qol jetimdi bolýy kerek. Árıne, eger aqyly qyzmetterdiń baǵalary kórsetilgen belgili bir preıskýrant bolsa, ol mindetti túrde usynylýy kerek jáne ony ózara kelisim boıynsha júzege asyrýǵa bolady. Biraq kez-kelgen jaǵdaıda ekijaqty mámile bolýy kerektigin eskertemiz», - dedi ol.
