Mýzeı túni: Ábilhan Qasteev atyndaǵy óner ordasyna 15 myńnan astam adam bardy
ASTANA. KAZINFORM — Ábilhan Qasteev atyndaǵy Ulttyq óner mýzeıinde ótken «Mýzeı túni» aktsııasyna 15 myńnan astam adam qatysty, dep habarlaıdy Mádenıet jáne aqparat mınıstrliginiń baspasóz qyzmeti.
16 mamyr kúni Ábilhan Qasteev atyndaǵy QR Ulttyq óner mýzeıinde Halyqaralyq mýzeıler kúnine oraı uıymdastyrylǵan «Mýzeı túni» aktsııasy bastaldy.
— Aktsııanyń alǵashqy kúni mýzeıge 15 100 adam baryp, mádenı is-sharaǵa aıryqsha qyzyǵýshylyq tanytty. Bıylǵy aktsııa «Álemder toǵysqan mýzeı» taqyrybymen ótip, ulttyq óner men zamanaýı formattardy ushtastyrǵan mazmundy baǵdarlamany qamtydy. Kelýshiler úshin kórmeler, performanstar, teatrlandyrylǵan qoıylymdar, kontserttik baǵdarlamalar, sheberlik saǵattary men kvest-oıyndar uıymdastyryldy, — delingen habarlamada.
Іs-shara aıasynda «Jeti qazyna» kórmesi kópshilik nazaryna usynyldy. Sonymen qatar balalar men jasóspirimderge arnalǵan tanymdyq-ınteraktıvti kvest-oıyny, músindeý, bilezik toqý jáne pýantılızm tehnıkasymen sýret salý boıynsha sheberlik saǵattary ótti.
Aktsııa elimizdegi barlyq mýzeı men mýzeı-qoryǵynda uıymdastyrylyp jatyr.
Búgin QR Ulttyq mýzeıinde skrıpkashy Nazym Mustafına óner kórsetedi. Sondaı-aq QR Ulttyq ortalyq mýzeıinde mýzeı qorlaryn saqtaý jáne kollektsııalardy tolyqtyrý taqyrybyna arnalǵan arnaıy baǵdarlama usynylady. Al mýzeı-qoryqtarda tarıhı eskertkishterge túngi ekskýrsııalar, teatrlandyrylǵan qoıylymdar jáne ózge de mádenı is-sharalar ótedi.
Aıta keteıik, búgin mýzeıler kelýshiler úshin túngi saǵat 00:00–ge deıin ashyq bolady. Kirý tegin.
Osydan buryn Jambyl oblysynda áıgili qara kempirdiń mýzeıi ashylǵanyn jazǵanbyz.
