Mýzeı, arhıv jáne kitaphana qyzmetteri bir jyldyń ishinde úsh esege qymbattady
NUR-SULTAN. QazAqparat – Osy jyldyń birinshi toqsanynda mýzeıler, arhıvter jáne basqa da mádenı mekemelerdiń qyzmeti 11 mlrd teńgeni quraǵan, dep habarlaıdy QazAqparat energyprom saıtyna silteme jasap.
Bul bir jyl burynǵy kórsetkishten 28,4% kóp. Qazirgi tańda mádenı salany ári qaraı damytý josparlanyp otyr. Osy rette qalada sáýlet, qala qurylysy jáne jer qatynastary basqarmasynyń ókilderi elordada úsh júz kórermenge arnalǵan úlken planetarıı salynatynyn aıtty.
Sondaı-aq, astanada Qosshy kenti men áýejaıdan kele jatqan týrısterdi birinshi bolyp qarsy alatyn Ǵarysh mýzeıin ashý josparlanyp otyr. Qazirgi ýaqytta Ǵarysh mýzeıi men ǵarysh kemeleriniń pishini bar jobanyń birinshi kezegi turǵyzylǵan.
Osy sektordaǵy qyzmetter arasynda kitaphanalar men oqý zaldarynyń úlesi kóp - 40,5%: bir toqsanda 4,5 mlrd teńge, ótken jyldan 12,7% kóp. Mýzeıler qyzmetiniń úlesi 22,4% qurap otyr. Kórsetkish bir jyldyń ishinde birden 36,6% - 2,5 mlrd teńgege ósken.
Sonymen qatar, elordada Jedel medıtsınalyq kómek mýzeıi ashylǵan.
Nur-Sultan qalasy ákimdiginiń deregi boıynsha, mýzeıde jedel járdem qyzmetiniń 90 jyldyq tarıhyn qamtıtyn sýretter, qujattar men zattaı derekter qoıylǵan.
Qazaqstanda mýzeıler sany sońǵy jyldary 204-ten (2009 jyly) 245-ke deıin (osy jyldyń basy) ósken.
Eń kóp mýzeı Almaty (28), Túrkistan (27) jáne Aqtóbe oblystarynda (20) shoǵyrlanǵan.
