Muzdy qurlyqta qytaı qaptady
ASTANA. QazAqparat - Qytaı Antarktıdada tórtinshi «Taıshan» ǵylymı stansasyn ashty. Bul týraly búgin Memlekettik okeanografııalyq basqarmadan habarlady, dep jazady Sınhýa agenttigi.
Budan basqa polıarly qurlyqta Qytaıdyń taǵy úsh stansasy bar, olar: "Chanchen", "Chjýnshan" jáne "Kýnlýn". «Taıshan» ǵylymı stansasy Antarktıdanyń shyǵys bóliginde, teńiz deńgeıinen 2621 metr bıiktikte muz aıdynynda ornalasqan. Mundaǵy jyldyq ortasha aýa temperatýrasy mınýs 36,6 gradýsty quraıdy. Qurylys alańy 1000 sharshy metrdi alyp turatyn jańa stansa 20 adamǵa shaqtalǵan. Onda ǵylymı baqylaýlar júrgizý úshin barlyq jaǵdaı jasalǵan. Janynda ushaqtyń ushyp-qonýyna arnalǵan, qar men muzǵa beıindelgen jolaq ta bar. Stansanyń bas ǵımaratyn 30-shy qytaı antarktıdalyq ǵylymı ekspedıtsısy 53 kúnde quryp bitirdi. Alǵashqy qytaı ekspedıtsııasy Antarktıdada 1984 jyly bolyp qaıtty. Al bir jyldan keıin sol jaqta alǵashqy antarktıdalyq «Chanchen» stansasyn saldy.
