«Muzdy» eritý eshqashan da kesh emes - Ninety One tobynyń ánshisi
«Meniń esimim Dýlat Muhametqalıev. «Ninety One» tobynda óner kórsetemin jáne «Jas Otan» Jastar qanatynyń ortalyq keńesiniń múshesimin. Búgin barsha jas ónerpazdar men áriptesterimniń atynan ózimniń oıymdy bildirýge osyndaı múmkindik týǵanyna alǵysymdy bildiremin. Birden suraq - mýzyka degen ne? Dál osy suraqqa jaýap tapqannan keıin ómirim birden ózgerip ketti. Ónerge degen qyzyǵýshylyǵym arqyly «Ninety One» tobyna kelip, álemmen mýzyka arqyly tanysýǵa múmkindik aldym. Top bolyp qurylǵannan keıin bári birden jaqsy bolyp ketken joq. Alda kóptegen túsinispeýshilikter boldy. Birneshe qalalarda, birneshe alańdarda bizdiń óner kórsetýimizge qarsy boldy. ıAǵnı óleń aıtý, shoý kórsetý, naǵyz zamanaýı ártis bolý HHІ ǵasyrdyń qazaǵyna «tán emes eken». Dál sol ýaqytta biz HHІ ǵasyr men qazaq mentalıteti jáne mádenıeti bir-birine sáıkes kelmeıdi degen taptaýrynmen kezdestik. Men ol oımen tolyqtaı kelispeımin. Qazaqqa mádenıetsiz bolý tán emes, biraq qazaqqa zamanaýı bolý tán, meniń oıymsha», - dedi ol.
Sondaı-aq top múshesi Batys mádenıeti bizdiń mádenıetten nesimen erekshe ekenine qatysty oıyn bildirdi.
«Batys mádenıeti zamanǵa saı árdaıym ózgeriske ushyrap otyrady. Sol sebepti búkil álemniń jastaryna ol óte tartymdy. Bizdiń mádenıetimizdi, rýhanı qorymyzdy bıik deńgeıge shyǵarǵymyz kelse, onda jastardyń qyzyǵýshylyǵyn eskerýimiz qajet. Qazirgi trendterge qazaqtyń mádenıetin beıimdegenimiz jón. Osy kishigirim álemge bir aıtqym keletin nárse - «Rýhanı jańǵyrýdyń» negizgi kózi - ol óner salasy. Rýhanı qordy qorektendirýshi salmaqty quraldardyń biri - shoý-bıznes. Onymen kelisersiz degen oıdamyn. Jáne qazirgi ýaqytta shoý-bızneske 91 toby q-pop baǵytyn alyp kelip, usynyp otyr. Onyń negizig maqsaty nede? Barlyq mýzykalyq salalardy, baǵyttardy, shoý-bızneske qatystylardyń bárin - qazaq tildi kontenttermen toltyra otyryp, qazaqtyń mádenıeti men tili, óneri jan-jaqty bola alatynyn dáleldeý», - dedi Dýlat Muhametqalıev.
Ol óz sózinde koreı eliniń k-pop mádenıetin mysalǵa keltirdi. Aıtýynsha, mýzykanyń bul baǵyty koreı eliniń negizgi týrızm kózine aınalyp ketken, jylyna 5 mlrd AQSh dollaryn elge alyp keletin úlken bıznes.
«Sol nárseni bizdiń q-pop-tan da kórdim. Bul úlken áleýet. Endi, 91 tobynyń eki jyldyń ishindegi jetistigin aıtyp ótsem dep edim. Bizdiń eń úlken jetistik - álemniń 120 elinde jankúıerlerimiz bar. Olar ıglzdar. Eger qazaq tilin álemdik deńgeıge shyǵarǵymyz kelse, onda qazaq tilin oǵan yńǵaılastyrýymyz kerek. Bul jerde latyn álipbıi óte yńǵaıly. Sol sebepti, toptyń aty «Ninety One» atalyp, ánderdiń bári latyn áripterimen shyqqan. Sheteldik jankúıerler qazaq tilin úırenýde. Qorytyndylaı kele aıtarym: jastardyń suranysy boıynsha, sizderdiń qoldaýlaryńyzben biz qazaq mádenıetin, tilin, ónerin jaı ǵana damytyp qana qoımaı, álemdik deńgeıge shyǵara alamyz. Óner salasyndaǵy ózimniń áriptesterime aıtamyn: bárimiz birigip, eldiń ekonomıkasyna yqpal etetin óner naryǵyn aıaqqa turǵyzyp, Qazaqstannyń atyn shyǵaraıyq. «Muzdy» eritý eshqashan da kesh emes», - dedi ol.
Aıta ketsek, Sezd aldynda «Ninety One» toby «Muz» atty ánderin oryndaǵan bolatyn. Top múshesi Dýlat Muhametqalıev keshe "Jas Otan" jastar qanatynyń IV sezinde Ortalyq keńestiń múshesi bolyp saılandy.
