Muzdaı qarýlanǵan Ózbekstan azamaty shekaradan ótpek bolǵan
ASTANA. QazAqparat - Qazaqstan-Reseı shekarasynda pnevmatıkalyq qarýymen jáne gaz ballonshalarymen qarýlanǵan Ózbekstan azamaty ustaldy, dep habarlaıdy QR UQK ShQ baspasóz qyzmeti.
Jaǵalaý kúzeti Óńirlik basqarmasynyń «Qurmanǵazy avto» tekserip-ótkizý pýnktiniń shekara narıady Reseıden bizdiń elimizge qaraı «Lada Largýs» avtokóligimen kele jatqan 46 jastaǵy Ózbekstan azamatyn qolǵa túsirdi.
Kólikti tekserý barysynda 9 gaz ballonshalary, árqaısysynda 500 danadan eki qorapqa salynǵan 4,5 mm mys sharlary tabyldy. Bul mys sharlar pnevmatıkalyq tapanshaǵa arnalǵandyqtan ári qaraı tapanshanyń ózi izdestirilip, ol - «GLETCHER GHR941» markaly 4,5 kalıbrli qarý, azamattyń syrt kıiminiń ishindegi qapshyqtan tabyldy.
Ustalǵan azamat týraly quqyq qorǵaý organdary qulaqtandyrylyp, tekserý jumystary bastaldy.
