Muzdaı qarýlanǵan bandynyń qaraqshylyq shabýyl jasaý oılary bastalmaı jatyp aıaqtaldy
ASTANA. Sáýirdiń 7-si. QazAqparat /Jasulan Amanbaıuly/ - Soltústik Qazaqstanda muzdaı qarýlanǵan bandynyń qaraqshylyq shabýyl jasaý oılary bastalmaı jatyp aıaqtaldy. Qylmysqa oqtalǵan topty polıtsııa qyzmetkerleri der kezinde quryqtady.
Bul týraly búgin brıfıng barysynda Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Qaraqshylyq shabýyl jasalǵaly jatqandyǵy týraly polıtsııaǵa jedel aqparat kelip túsken. Qolǵa alynǵan is-sharalardyń barysynda Novoıshım aýylynyń týmalarynan uıymdasqan qylmystyq top quryqtaldy. «Olardan 3 sholaq myltyq, dybys tunshyqtyrǵyshy bar «IJ» tapanshasy tabyldy», deıdi Q. Jumanov.
Qazir olarǵa zańsyz qarý saqtady jáne qarýdy zańsyz daıyndady degen aıyptar taǵylýda. Q. Jumanovtyń aıtýynsha, olarǵa taǵy qosymsha qaraqshylyq shabýyl jasaýǵa oqtalǵany úshin qylmystyq is qozǵaý máselesi sheshilýde.
