Muzdan jasalǵan mýzykalyq aspaptarmen kontsert qoıyldy
ASTANA. QazAqparat - Eger siz erekshe mýzykalyq aspaptardy unatsańyz, norvegııalyq ónerpaz Tere Isýngset sizdi tań qaldyra alady. Onyń shaǵyn orkestrindegi mýzykalyq aspaptardyń barlyǵy muzdan quıylǵan, dep habarlaıdy euronews .
Bir ǵana kedergi - kontsert ótetin jerdiń temperatýrasy mınýs on gradýstan tómen bolmaýy kerek.
«Bul jerdegi erekshelik mende emes, erekshelik - aspaptarymnyń basty elementteri - sý men muzda. Bizdiń denemizdiń basym bóligi sýdan turady. Álemde qanshama adam sý tapshylyǵyn sezinýde. Ǵalamdyq jylynýdan, máńgi toń qabattary erip, muzdyqtar quryp ketýdiń aldynda tur»,-deıdi mýzykant Tere Isýngset.
Muz-orkestrdiń sońǵy kontsertteriniń biri Londonda ótti. Al aspaptardyń barlyǵy Norvegııadan Londonǵa arnaıy konteınerlermen jetkizilgen.
