Muzdaqtar qatýynan áýe jelileri úzilýde
ASTANA. Qarashanyń 9-y. QazAqparat - «Elektr jelilerin basqarý jónindegi Qazaqstan kompanııasy «KEGOC» AQ elektr jelilerinde qysqa merzimdi ajyratýlardyń bolýy aýa-raıynyń qolaısyzdyǵy saldarynan ekenin habarlaıdy.
Ortalyq jáne Soltústik óńirlerdegi áýe jelilerinde muzdaqtardyń qatýy beleń alyp otyr.
Sonyń saldarynan ústimizdegi jylǵy qarashanyń 7-8-i kúnderi «Soltústik -Ońtústik Qazaqstan» tranzıtiniń bir bóligi 500 kV-tyq L-5120 «Ekibastuz GRES-1 - Nura» áýe jelisinde elektr toǵynan ajyratý oqıǵasy boldy. Bul buzylysty jedel arada jóndeý jáne júıearalyq apattyń aldyn alý úshin júıelik operator Ortalyq jáne Ońtústik óńirlerde elektr qýatyn paıdalanýǵa shekteý qoıdy.
Sondaı-aq Qaraǵandy oblysynda da 110 kV-tyq áýe jelisinde birqatar ajyratýlar tirkeldi. Elektr symdarynyń úzilýinen jáne baǵanalardyń qulaýynan qarashanyń 5-de «Osakarovka - Qaraǵandy GRES-2» 220 kV-tyq eki áýe jelisinde ajyratýlar oryn aldy. Jelini jóndeý jumystary aıaqtalý ústinde.
Aýa-raıynyń qazirgi jaǵdaıy birqatar ýchaskelerde muzdaqtardyń qatýyna, sonyń áserinen apattyq ajyratýlardyń bolýyna ákep soǵýda. Áýe jelilerinde qalyńdyǵy 5 sm. bolatyn muzdyń qatýynan elektr symdary men oqshaýlatqyshtar úzilip, baǵanalar qulaýda. Maýsymaralyq kezeńge tán bul jaǵdaı 110-220-500 kV-tyq jelilerde kóptegen apattyq ajyratýlardyń oryn alýyna sebep bolyp otyr.
