«Muzbalaq» mýltfılmi Reseıdegi kınofestıvalge qatysýda

ASTANA. QazAqparat - «Muzbalaq» anımatsııalyq fılmi Reseıdegi kınofestıvalge qatysýda, dep habarlaıdy QazAqparat Mádenıet mınıstrliginiń saıtyna silteme jasap.

Turdybek Maıdan men Tilek Tóleýǵazynyń tolyqmetrli anımatsııalyq «Muzbalaq» atty kartınasy XVII Halyqaralyq «Ot rýhy» («Dýh ognıa» ) atty debıýttik fılmder kınofestıvaliniń, jasóspirimder men balalarǵa arnalǵan týyndylary «Seniń kınoń» («Tvoe kıno») konkýrstyq baǵdarlamasyna qatysyp, baq synamaq. Festıval Reseı Federatsııasynyń Hanty-Mansıısk qalasynda 1-6 naýryz aralyǵynda ótedi.

Aıta keterligi, fılm QR Mádenıet jáne sport mınıstrliginiń tapsyrysy boıynsha «Qazaqfılm» kınostýdııasynda túsirilgen.

Avtorlar «Muzbalaq» atty anımatsııalyq fılmi arqyly tarıh qoınaýyna enip, joǵalyp bara jatqan, qazaqtyń ǵasyrlar boıy qalyptasqan saıatshylyq mádenıetin kórsetý arqyly, adammen búrkit arasyndaǵy senim negizine quralǵan dostyqty jas urpaq sanasyna sińirýdi kózdeıdi.

«Bul festıval kópten beri ótkizilip keledi. Alaıda, anımatsııalyq fılm alǵash ret qatysyp otyr. Al bul týyndy bizdiń «Qazaqfılm» kınostýdııasynyń mýltfılmi ekeni eki ese qýantady. Festıvaldiń atynyń ózi - «Ot rýhy» - túrki álemine óte jaqyn tanym. Sondyqtan da biz «Muzbalaq» mýltfılmi júldesiz qalmaıdy dep senemiz», - dep málimdedi kartınanyń stsenarıı avtorlarynyń biri ári qoıýshy-rejısseri Adaı Ábildınov.