«Muzbalaq» Izraılde «Úzdik anımatsııalyq fılm» júldesin jeńip aldy
NUR-SULTAN. QazAqparat – «Muzbalaq» Izraıl elinen «Úzdik anımatsııalyq fılm» júldesimen oraldy, dep habarlaıdy QazAqparat.
Súıingi jańalyqta óziniń Facebook-tegi paraqshasynda atalmysh týyndynyń avtorlarynyń biri Tilek Tóleýǵazy jetkizdi.
«Jeltoqsannyń 2-5 kúnderi aralyǵynda Izraılde ótken «NEAR NAZARETH FESTIVAL» festıvalinde «Muzbalaq» fılmi úzdik anımatsııalyq fılm júldesine ıe boldy», -dep jazdy ol.
Aıta keteıik, atalmysh anımatsııalyq fılm 7-13 qazan aralyǵynda Germanııanyń Hemnıts qalasynda ótken 24-shi Halyqaralyq balalar men jasóspirimderge arnalǵan Schlingel kınofestıvalinde Germanııanyń anımatsııalyq fılmder ınstıtýty (DIAF) taǵaıyndaǵan «Úzdik anımatsııalyq fılm» júldesimen marapattaldy.
Qazaqtyń ǵasyrlar boıy qalyptasqan saıatshylyq mádenıeti týraly syr shertetin «Muzbalaq» anımatsııalyq fılmi búrkit pen adamnyń dostyǵy týraly baıandaıdy. Fılmdi QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirgen. Rejısserleri –Turdybek Maıdan jáne Tilek Tóleýǵazy.
