«Muzbalaq» anımatsııalyq fılmi Reseıdegi konkýrsta kórsetiledi
NUR-SULTAN. QazAqparat - Turdybek Maıdan men Tilek Tóleýǵazynyń «Muzbalaq» anımatsııalyq fılmi Reseıdiń ıAroslavl qalasynda ótip jatqan«V krýgý semı» konkýrsynda kórsetiletin boldy, dep habarlaıdy QazAqparat tilshisi.
QR mádenıet jáne sport mınıstrliginiń tapsyrysy boıynsha «Kazaqfılm» túsirgen týyndy qazaqtyń búrkit baýlý ǵurpyna arnalǵan.
«Muzbalaq» fılminiń ıAroslavlde kórsetilýi biz úshin atýly oqıǵa. Biz qazaq anımatsııasyn álemge shyǵara bastadyq deýge bolady. Onyń jaqsy nátıjesi bolady degen úmitim bar», - deıdi «Qazaqfılm» ókili Adaı Ábeldınov.
«V krýgý semı» festıvali otbasymen kórýge arnalǵan álemniń úzdik týyndylaryn kórermen nazaryna usynady. Onyń basty maqsaty - kıno arqyly otbasy qundylyqtaryn dáripteý. Festıval jyl saıyn ár qalada ótip, aıasynda túrli oıyn-saýyqtyq baǵdarlamalar uıymdastyrylady.
Byltyr osy «Muzbalaq» anımatsııalyq fılmi QR kınematografısteriniń «Úzdik anımatsııalyq fılm» atalymy boıynsha «Qulager» ulttyq júldesin ıelengen bolatyn. Sondaı-aq, atalmysh týyndy XVII Halyqaralyq «Ot rýhy» («Dýh ognıa» ) atty debıýttik fılmder kınofestıvaliniń «Seniń kınoń» («Tvoe kıno») konkýrstyq baǵdarlamasyna qatysqan.
