«MýzArt» toby halyqqa tosyn syı jasady
ASTANA. QazAqparat - «MýzArt» toby kórermenderine kútpegen syı jasady. Áıgili top qazaq estradasynyń tarıhynda tuńǵysh ret uıaly qondyrǵylarǵa arnalǵan albom shyǵardy.
Qazaq ánshileriniń mundaı jańashyldyǵy týraly atalmysh toptyń solısi Sáken Maıǵazıev tyńdarmandarǵa áleýmettik jelide jarııalady.
«Dostar, «MýzArt» tobynyń «Uly dala» atty uıaly qondyrǵylarǵa arnalǵan albomyn usynyp jatyrmyz! Qazaqstanda alǵash ret shyǵyp jatqan osyndaı smart albom keleshekte elimizdiń mýzyka ındýstrııasyn zamanǵa saı ózgertedi dep senemiz. App Store jáne Play Market-ten júkteńizder!» - dep jazady toptyń ánshisi Sáken Maıǵazıev Instagram paraqshasynda.
