«Mýzart» toby elordanyń týǵan kúnine merekelik kontsert tartý etedi
ASTANA. QazAqparat - Elorda kúnine oraı halyq taǵatsyz kútetin sharalardyń biri barsha qazaqstandyqtardyń súıikti «Mýzart» tobynyń kontserti bolmaq. Keńinen tanymal trıo óz tabynýshylaryn ádemi ánderimen 15 jyldan beri qýantyp keledi, aldaǵy kontsert te atalmysh mereıtoılyq dataǵa oraılastyrylmaq, dep habarlaıdy Astananyń mádenıet basqarmasy.
Ártisterdiń aıtýynsha, Astanada úlken kontsert ótkizý - olardyń kópten bergi armany, elorda turǵyndary men qonaqtary da bul oqıǵany taǵatsyz kútýde. 8 shildede «Mýzart» toby «Qazaqstan» OKZ-da eki ret kontsert beredi. Sáken Maıǵazıev, Meırambek Bespaev pen Kenjebek Janábilov ózderiniń úzdik ánderin dırıjerler Aleksandr Belıakovpen jáne Aleksandr Abylaevpen, kompozıtor ári prodıýser Rınat Ǵaısınmen, «Astana» estradalyq-sımfonııalyq orkestrimen oryndaıdy.
