«MýzArt» ataýyn belgili syqaqshy Saǵadildá Úsipáli qoıǵan - M. Besbaev
ASTANA. 4 shilde. QazAqparat - Búgin «Mega» OSO-da «MýzArt» tobymen bolǵan baspasóz máslıhatynda top múshesi Meırambek Besbaev osylaı dep málimdedi.
«MýzArt» tobyn eńbektegen baladan eńkeıgen kárige deıin jaqsy bilse de, keıbireýi ataýdyń shyqqan tarıhy men astaryndaǵy maǵynasynan beıhabar. Osyny eskergen top músheleri jýrnalısterdiń suraǵyna jaýap betinde top ataýynyń shyǵý tarıhyna qysqasha toqtala ketti.
«MýzArt» eki uǵymnan turady. «Ýz» túrki sózi, qazaqsha sal-seri, ánshi, naǵyz er degendi bildiredi. Al «Art» sózi taýdyń ushar bıigi, quzar shyńy degenge saıady. Tobymyzdyń atyn oılap tabý bizge biraz qıynǵa soqty. Toptyń esimi túgili, adamnyń atyn qoıýdyń ózi qıyn ǵoı keıde. Sondyqtan alǵashynda alty aıdaı ataýsyz shyǵyp júrdik. Keıinnen Saǵadildá Úsipáli degen ári ónerde birge júrgen dosymyz, ári aǵamyz osy ataýdy usyndy», - dedi M. Besbaev.
