Muzafar Álimbaevtyń 100 jyldyǵy týǵan jerinde atalyp ótti

PAVLODAR. QazAqparat – Belgili aqyn, ádebıettanýshy, balalar jazýshysy Muzafar Álimbaevtyń 100 jyldyǵy óziniń týǵan jeri Pavlodar oblysy Sharbaqty aýdanynda atalyp ótti, dep habarlaıdy QazAqparat oblys ákimdigine silteme jasap.

Muzafar Álimbaev – «Alataý baýraıynda», «Meniń Qazaqstanym», «Baldáýren, shirkin, balalyq», «Aqserek te Kókserek» jáne taǵy da basqa shyǵarmalary TMD men shet elderdiń 20 tiline aýdarylǵan poetıkalyq jınaqtardyń avtory. Qazaqstannyń tuńǵysh ánuranynyń avtorlarynyń biri, QR Memlekettik syılyǵynyń laýreaty, eńbek sińirgen mádenıet qaıratkeri, Ekinshi dúnıejúzilik soǵystyń ardageri, Pavlodar oblysynyń Qurmetti azamaty.

«Muzafar Álimbaevtyń poezııasy – klassıkanyń úlgisi ǵana emes, sonymen qatar qazaq tiliniń basty qazynasy. Ol «Baldyrǵan» balalar jýrnalynyń negizin qalap, qazaq balalar ádebıetiniń damýyna eleýli úles qosty. Aqynnyń óleńderine 200-den astam án jazylǵan jáne olar búgingi kúnge deıin kópshilikke tanymal», - dedi saltanatty sharaǵa qatysqan oblys ákimi Asaıyn Baıhanov.

Shara barysynda qalamgerdiń kitaptary men jeke zattary qoıylǵan kórme uıymdastyryldy.

Sýretterdi túsirgen Valerıı Býgaev