Muz ústinde qandaı qaýipsizdik sharalary saqtalýy kerek – mamannan keńes
«Tótenshe jaǵdaı bolǵan ýaqytta qys mezgilinde qala aýmaǵynda zardap shekkenderge myń adamǵa arnalǵan on nysanda – jylytý pýnktteri qarastyrylǵan. Sondaı-aq bul maqsatta tórt qonaq úı, hostel men 500 adamǵa arnalǵan jataqhana daıyndaldy. Qutqarýshylarǵa qys kezinde muzdaǵy qaýipsizdikke baılanysty úgit-nasıhat jumystaryn júrgizip jatyr. Departament qyzmetkerlerimen qazirgi ýaqytta túsindirý, eskertý jumystary beınekonferentsııalar arqyly ótkizilýde», - dedi Nur-Sultan qalasy TJD bastyǵynyń orynbasary Esen Baıyrov qala ákimdiginiń Facebook paraqshasynda ótken onlaın baspasóz máslıhatynda.
Departament ókili baspasóz máslıhaty barysynda muz ústindegi qaýipsizdik erejeleri týraly aıtyp berdi.
«Qatpaǵan muzdyń ústine shyqpańyzdar. Toptalyp muzdyń bir aýmaǵynda jınalmańyzdar. Muzdyń jarylǵan jerine jaqyndamańyzdar. Kólikpen muz ústinen ótpeńizder. Muzdyń ústine qarańǵy ýaqytta shyqpańyzdar. Muzǵa jeke qutqarý quralynsyz shyǵýǵa bolmaıdy. Atap aıtqanda muz ústine shyqqana adamda qutqarý sheńberi, keýdesheler bolýy kerek. Muzda shekteýli aımaqta ekiden astam oıyq jasaýǵa bolmaıdy. Bul tártip – balyqshylarǵa qatysty», - dedi ol.