«Mýz-TV» syılyǵynyń juldyzdary Astanada «Balalarǵa baqyt syıla» aktsııasyna qatysady
ASTANA. QazAqparat - «Mýz-TV 2015. Gravıtatsııa» syılyǵyn tabystaý rásiminiń juldyzdary Astanada «Balalarǵa baqyt syıla» qaıyrymdylyq aktsııasyna qatysady. Bul týraly búgin Ortalyq kommýnıkatsııalar qyzmetinde ótken baspasóz máslıhatynda reseılik «Mýz-TV» telearnasynyń bas dırektory Arman Dáýletııarov aıtty.
«4 maýsym kúni Astanaǵa «Mýz-TV 2015. Gravıtatsııa» syılyǵyn tabystaý rásimine qatysatyn juldyzdardyń alǵashqy legi kele bastaıdy. Olar osy kúni «Dara» jáne «Aıala» qorlary uıymdastyratyn birneshe áleýmettik-qaıyrymdylyq sharalaryna qatysady», - dep atap ótti ol.
Onyń aıtýynsha, shara aıasynda Dıana Gýrtskaıa, Irına Dýbtsova, Mıtıa Fomın, Satı Kazanova, Arsenıı, Nıkıta Presnıakov, Tomas Nevergreen, jáne «Gradýsy», «Dıskoteka Avarııa», M-Band, «A-Stýdıo», «VıaGra», «Vremıa ı Steklo», Bıanka toptary jáne taǵy da basqa kóptegen juldyzdar elordadaǵy jetim balalarmen, turmysy nashar otbasylarynyń balalarymen, múgedek balalarmen kezdesedi.
«Olar bir kún boıy balalarmen birge bolyp, olarmen birge án aıtyp, sýret salyp, bar ónerlerin kórsetetin bolady. ıAǵnı bir sózben aıtqanda, olar balalarǵa baqyt syılaıdy», - deıdi A. Dáýletııarov.
