«Mýz-TV» syılyǵynyń dekoratsııasy Nıkıta Presnıakovtyń ústine qulady
ASTANA. QazAqparat - Tanymal ártister Vladımır Presnıakov pen Krıstına Orbakaıteniń uly Nıkıta Presnıakov «Mýz TV» syılyǵy dekoratsııasynyń qasynda selfı jasamaqshy bolǵanda, qurylǵy qulap ketti.
Saldarynan Nıkıta basy men qoly jaraqattandy, dep habarlady Vestı.rý.
"Rýsskaıa slýjba novosteı" ánshiniń prodıýseri Matveı Anıchkın habarlaǵandaı, abyroı bolǵanda dekoratsııanyń astynda qalǵan Nıkıtanyń mıy shaıqalyp, ne bolmasa bir jeri synǵan joq. Kishi Presnıakov tobynyń quramyndaǵy skrıpkashy da basynan jaraqattandy. Zardap shekkenderdiń bári de aýrýhanadan shyqty.
Prodıýserdiń aıtýynsha, 7 maýsymda ol sahnaǵa shyǵýdy josparlaýda. Oqıǵa ornynda zardap shekken Alla Pýgachevanyń nemeresi de aýrýhanaǵa jetkizilgen. Qurylǵynyń qulaýyna nóser jaýyn men qatty jel sebep bolǵan. Presnıakov dekoratsııanyń janynda selfı jasamaqshy bolǵanda, qurylǵy qulap ketkeni naqtylandy. Ol óziniń Instagram-daǵy paraqshasyna bylaı dep jazdy: «Qalaı bolǵanda da selfıge túsip úlgerdik. Dál sol dekoratsııanyń janynda. Alaıda jaǵdaıym jaqsy... qalaı aman qalǵanyma ózim de tańmyn... Perishtelerim jebegen ǵoı. «Mýz TV-ǵa» tamasha uıymdastyrylǵany ári qaýipsizdigi úshin rahmet».
