«MÝZ-TV 2015 Júldesi» sheńberinde «Qazaqstannyń Úzdik jyl ártisi» anyqtalady
ASTANA. QazAqparat - «MÝZ-TV 2015.Gravıtatsııa júldesine» kórermenderdiń jáne akademıkterdiń daýys berýi resmı túrde bastaldy. Bul týraly «Qazaqstan» Respýblıkalyq teleradıokorporatsııasynyń baspasóz qyzmetinen habarlady.
Esterińizge sala keteıik, «MÝZ-TV» syılyǵy ótkizilip kele jatqan 12 jyl ishinde alǵash ret Astanada ótedi. «Qazaqstan» respýblıkalyq teleradıokrporatsııasy Qazaqstan aýmaǵynda «MÝZ-TV 2015»» dástúrli syılyqty tikeleı efırde kórsetetin bolady.
Bul týraly jýrnalısterge arnalǵan baspasóz maslıhatynda «MÝZ-TV» arnasynyń Bas dırektory jáne «MÝZ-TV» Syılyǵynyń dırektory Arman Dáýletııarov málimdedi. «MÝZ-TV 2015. Gravıtatsııa» syılyǵy 5 maýsymda elordanyń eń úlken alańdarynyń biri - 35 000 adam syıatyn «Astana Arena» stadıonynda ótedi.
«MÝZ-TV 2015. Gravıtatsııa» júldesiniń nomınanttaryna daýys berý eki kezeńde ótedi. Birinshi kezeńde sarapshylardyń daýys berýi arqyly ár bir kategorııada bes nomınant anyqtaldy. Ekinshi kezeńde árbir nomınatsııadaǵy jeńimpazdarǵa daýys berýge «MÝZ-TV» arnasynyń kórermenderi jáne Júldeniń akademıkteri qatysady.
Sarapshylar men akademıkter retinde mýzyka ındýstrııasynyń jáne shoý-bıznestiń jetekshi qaıratkerleri qatysady. «MÝZ-TV 2015. Gravıtatsııa júldesiniń» jeńimpazdary 5 maýsym kúni jarııalanady.
Budan basqa osy jyly nomınatsııalar sany da artty. Ádettegi 11 nomınatsııanyń ornyna 14 bolady. Endi «Úzdik áıel beınesi», «Úzdik er adam beınesi» jáne «Úzdik shetel tilindegi án» nomınatsııalary úshin daýys berýge bolady. Sonymen qatar, osy jolǵy Syılyqtyń Astanada ótkizilýine oraı «MÝZ-TV» telearnasy «Qazaqstannyń Úzdik jyl ártisi» arnaıy nomınatsııasyn jarııalaýǵa sheshim qabyldady.
«Úzdik er oryndaýshy» nomınatsııasyna Dıma Bılan, Fılıpp Kırkorov, Sergeı Lazarev, Valerıı Meladze men Grıgorıı Leps usynylǵan. «Úzdik áıel oryndaýshy» nomınatsııasynda Anı Lorak, Polına Gagarına, Nıýsha, Vera Brejneva men Elka usynylǵan. Úzdik pop-grýppa» nomınatsııasynda A-Stýdıo", "Band'Eros", "Dıskoteka avarııa", "Gradýsy", "Serebro" usynylǵan. "Jyl jańalyǵy» nomınatsııasynda Egor Krıd, M-band, Nıkıta Presnıakov pen Multiverse toby, Nargız, IOWA usynylǵan. Sonymen qatar qosymsha «Úzdik albom», «Úzdik hıp-hop joba», «Úzdik rok-toby», «Úzdik erler beınesi», «Úzdik kontserttik shoý», «Úzdik beıne» nomınatsııalary bar.
«MÝZ-TV 2015. Gravıtatsııa» Syılyǵy - bul eki baýyrlas eldiń mýzykalyq mádenıetin biriktirý jáne tartý amaly. Syılyqtyń ataýyn «Gravıtatsııa» dep tańdaý kezdeısoq emes, osy jyly rásimniń kórermenderi men telekórermenderi aldynda múlde biregeı kórinis oryn alady: jańa jáne ýltrasándi tehnologııalar, naǵyz jáne este qalatyn nómirler. Gravıtatsııaǵa árkim ushyraıdy!
4 maýsym kúni Astananyń ortalyq alańdarynyń birinde otandyq jáne sheteldik estrada juldyzdarynyń qatysýymen keń aýqymdy mýzykalyq oqıǵa oryn alady - open air sharasy ótkiziledi. Ony da «Qazaqstan» telearnasy tikeleı efırden kórsetetin bolady.
Syılyqtyń jańa qoıýshy-rejısseri - jas, keýdemsoq jáne talantty Maksım Pasıýk.
