Muz oıylyp, úsh zeınetker kólikpen birge sýǵa batyp ketti
ASTANA. QazAqparat - Reseıdiń Amýr oblysy aýmaǵyndaǵy Býreı ózeninde muz oıylyp úsh er adam jáne eki áıel mingen «Nıva» sýǵa batyp ketti.
Zeınet jasyndaǵy úsh adam mashınadan shyǵa almaǵan. Bul jaıly beısenbide TASS RF TJM-ne silteme jasap habarlady.
«Oqys oqıǵa keshe bolǵan. «Nıva» júrgizýshisi Novobýreısk - Kýlıkovka avtojolynyń mańyndaǵy ruqsat etilmegen jerden muzdyń ústinen ótpek bolady. Muz jarylyp, avtomobıl sýǵa batyp ketken. 1940 jáne 1954 jyldary týǵan eki er adam jáne 1956 jylǵy áıel qaza tapty. Qalǵan eki adam kólikten shyǵa alǵan», - delingen habarlamada.
