Muz oıylyp, buǵy ósirýshiniń áıeli men eki qyzy sýǵa ketti
ASTANA. QazAqparat - Qaıǵyly oqıǵa ıAmal-Nenetsk avtonomdyq okrýginde oryn alǵan. Vylposl kentinde turatyn buǵy ósirýshiniń otbasy Ob ózeninen ótpek bolǵan.
Janynda úsh jasar uly bar 29 jastaǵy Rýslan Melehov «Boran» qarda júrgishine zaıyby men eki qyzy otyrǵan shanany tirkep, súıretip kele jatty.
Kenetten shana tirkelgen qar keshkish qarańǵyda muzdy sýǵa túsip ketti. Er adam ulyn basqa jaqqa laqtyryp úlgerip, ózi sýdan muz betine shyǵa aldy. Al onyń 22 jastaǵy zaıyby, bes jasar qyzy Alısa jáne segiz aılyq qyzy Sasha otyrǵan shana sý túbine ketti.
Súńgýirler qaza tapqandardyń múrdelerin izdep jatyr. Olardyń aıtýynsha, qaıǵyly oqıǵa oryn alǵan jerde sýdyń tereńdigi 12 metrdi quraıdy.
