Muz aıdynyndaǵy balalar bıi XXVI halyqaralyq festıvalinde Qazaqstan komandasy 3-shi oryn ıelendi

Reseı astanasyndaǵy «Lýjnık» sport arenasynda ótken saıysqa Reseıdiń, TMD elderiniń jáne Eýropanyń 4 pen 17 jas aralyǵyndaǵy mánerlep syrǵanýshylary qatysqan bolatyn. mine osy festıvalǵa alǵash ret qatysqan Qazaqstannyń «Zýmrad» komandasy tosyn syı jasap, 14 komandanyń arasynda júldeli úshinshi orynǵa taban tiredi.

«Árıne, bizdiń balalarǵa jeńis ońaı kelgen joq. Óıtkeni olar mundaı deńgeıdegi jarysqa alǵash ret qatysyp otyr. Balalar tamasha óner kórsetip, kórermenderdiń zor qurmetine ıe boldy. Bizdiń komandany tek tóreshiler ǵana emes, kóshbasshy basqa komandalardyń jattyqtyrýshylary da joǵary baǵalady. Komandaǵa Reseıdiń jáne Ýkraınanyń alańdarynda óner kórsetýge usynystar tústi», - dedi komandanyń jattyqtyrýshysy Olesıa Fomına.

Onyń atap ótýinshe, nebári 6 jastaǵy Ádil Sambaev, Elızaveta Borıaeva, Taısııa Mıheevalar tájirıbeli sportshylar deńgeıinde óner kórsetken. Sonymen qatar Darıa Fomına, Elına Fedotova, Arına Podobreeva, Gúljan Jumadilova, Tımýr Zapıev, Artem Maslov, Nurlan Baınıetov, Lııa Astrahantsevalar da ózderin jaqsy kórsete alǵan.

«Qazirgi ýaqytta bul balalar bizdiń komandanyń negizgi sportshylary. Jazda biz osy toppen Frantsııada ótetin Álem chempıonatyna daıyndyqty bastaıtyn bolamyz», - dedi ol.