Muz aıdyndary jelisi almatylyqtarǵa jańa jyldyq syılyqtar kúnin uıymdastyrdy
ALMATY. 27 jeltoqsan. QazAqparat /Erbol Azanbek/ - Jańa jyl qarsańynda Almatydaǵy Mega Ice muz aıdyndary jelisi «Syılyqtar kúni» sharasyn ótkizdi.
Sharanyń talaby boıynsha muz aıdynyna kelýshiler ózderimen birge oıynshyqtar ala kelýi kerek. Bul syılyqtar óz kezeginde jetim balalar úıleriniń tárbıelenýshilerine jańa jyldyq tartý retinde syılanady.
Sharaǵa kópshilikpen birge BAQ ókilderi, muz aıdyndary jelisiniń áriptesteri qatysyp, muz aıdynynda tegin syrǵanaq tebýge múmkindik aldy. Tórt saǵattyq shara barysynda túrli sporttyq oıyndar, saıystar ótkizilip, jańa jyldyq syılyqtar berildi.
«Bul shara bizdiń áriptesterimizdi jańa jylmen quttyqtaý ári balalar úıiniń tárbıelenýshilerine qýanysh syılaý maqsatynda ótkizildi. Áleýmettik salany qoldaý da basty maqsatymyz bolǵandyqtan aldaǵy ýaqytta da bundaı sharalardy jıi ótkizip turýdy kózdep otyrmyz»,- deıdi kompanııanyń qoǵammen baılanys menedjeri Anar Táýetaeva.
