Muz astyndaǵy alyp kól - Antarktıdanyń jańa jumbaǵy

ASTANA. QazAqparat - Doktor Martın Sıgert bastaǵan Londonnyń Imperııalyq kolledjiniń brıtanııalyq ǵalymdary Antarktıdalyq muzdyń astynda alyp kól bolýy múmkin degen toqtamǵa keldi, dep jazdy epochtimes.ru.

Ǵalymnyń sózine qaraǵanda, jańa kóldiń uzyndyǵy shamamen 100 km jáne eni- 10 km. Pishini boıynsha ol lentaǵa uqsas, al uzyn kanaldary men arnalary Antarktıdanyń shyǵys jaǵalaýy arqyly 1000 km sozylady. «Mundaı erekshe jelilerdi kórip, solar boıynsha uzyndyǵy 1000 km sozylǵan kanaldar, sonymen qatar muz astynda alyp kól bar dep boljadyq», - dedi Sıgert Geografııalyq zertteýlerdiń Eýropalyq odaǵy konferentsııasynda.