Muz astynan tabylǵan ejelgi kıimder sapasy tańǵaldyrady - ǵalymdar
NUR-SULTAN. QazAqparat - «Bir qaraǵanda arheologııa men jahandyq jylyný arasynda esh baılanys joq sııaqty kórinedi. Degenmen, muzdyqtardyń erýi nátıjesinde búgingi kúnge deıin óte jaqsy kúıde saqtalǵan eskertkishter tabylýda» dep jazady Slate.fr basylymy.
Avtordyń jazýynsha, búgingi tańda muz arheologııasy degen jańa ǵylymı pán paıda bolǵan.
«Muz arheologııasy - muz astyndaǵy tarıhı eskertkishterdi taýyp, zertteýmen aınalysady. Mundaı zattar muz astynda qatyp qalǵandyqtan, jaqsy kúıde saqtalǵan», deıdi Shveıtsarııadaǵy Val tarıhı mýzeıininiń qyzmetkeri Per-Iv Nıko.
«Ǵylymı pán retinde muz arheologııasy biregeı sala sanalady. Birinshiden, onyń paıda bolýynyń ózi erekshe. 1991 jyly qyrkúıek aıynda Italıa - Avstrııa shekarasynda júrgen jup muz astynan shyqqan adam denesin taýyp alǵan. Ol mýmııa Etstal taýynyń qurmetine Etsı atalyp ketti. Ǵalymdar basynda bul joǵalyp ketken alpınıst denesi dep oılady. Al arheologtar deneniń 5 myń jyl burynǵy mýmııa ekenin anyqtady», dep jazady avtor.
Onyń sózine qaraǵanda, muz arheologııasynyń basty mindeti ejelgi kezeńdegi taý turǵyndaryna basqasha kózqaras usyný.
«Muz astynan tabylǵan kıimder men aksessaýarlardyń sapasy tańǵaldyrady. Alpi taýlarynyń mańynan 2800 metr tereńdikte tabylǵan zattar b.z.d. 3800-3700 jyldardaǵy ádispen jasalǵan. Keıbir teri aıaq kıimder tipti b.z.d. VIII-VI ǵasyrǵa tán», deıdi Nıko.
Onyń paıymyna qaraǵanda, jahandyq jylyný nátıjesinde muzdar jyldam erip, muz astyndaǵy tarıhı eskertkishter sý betine shyǵyp, óte jyldam buzylyp jatyr.
«Sol sebepti adamdar tarıhı obekt taýyp alsa, ony qozǵamaı, arheologtarǵa habarlaýy kerek», deıdi ol.
