Muz astyna túsip ketpes úshin qandaı saqtyq sharalaryn umytpaý kerek
Atyraý oblystyq tótenshe jaǵdaılar departamentiniń qyzmetkerleri kúnde tańerteńnen keshke deıin muz ústin qarap júredi.
Atyraý qalasyndaǵy Jaıyq ózeninde muzdyń qalyńdyǵy - ortasha 13 sm, Qulsary qalasyndaǵy Qamyskól kólinde, Qursaı ózeninde - 15 sm, al Qurmanǵazy aýdanyndaǵy Shora jáne Qıǵash ózenderinde muz qatqan joq.
Reıd barysynda balyq aýlap otyrǵan jáne muz ústinde demalyp júrgen turǵyndarmen profılaktıkalyq jumys júrgizildi.
Tájirıbe kórsetkendeı, negizgi táýekel tobyna oqýshylar men balyqshylar jatady.
Qutqarýshylar ata-analarǵa balalarymen juqa muz ústine shyqpaýǵa, balalyq tentektigi qaıǵyly jaǵdaıǵa ákelýi múmkindigin túsindirýge jáne balalaryn qaraýsyz qaldyrmaýǵa keńes beredi.
Sondaı-aq, qutqarýshylardyń mindetteriniń biri — qys mezgilinde balyq aýlaýshylarǵa muz ústindegi qaýip-qater týraly aqparatty jetkizý.
- Ózińizben birge qutqarý quraldarynyń bolǵany jón. Bir ushyna aýyr salmaqty zat túıinshektep baılanǵan 20-25 metrlik qatty arqan ala shyǵyńyz.
- Janyńyzdaǵy serigińiz muzǵa túsip ketken jaǵdaıda, arqannyń aýyr zat baılaǵan jaǵyn serigińizge qaraı laqtyryńyz.
- Aýyr zat sýǵa túsip ketken serigińizge arqandy laqtyryp, túıinshekten myqtap ustap qutqarýǵa septigin tıgizedi.
Qutqarýshylar júrginshilerge muzǵa túsip ketken adamǵa kómek kórsetý boıynsha keńester men jedel qyzmet telefony kórsetilgen «Qaýipsiz muz» taqyrybyndaǵy jadynama taratty.
Atyraý oblysynyń tótenshe jaǵdaılar departamenti qarapaıym qaýipsizdik erejelerin saqtaý sý aıdyndaryndaǵy qaıǵyly jaǵdaılardyń aldyn alatynyn eskertedi.
