Muz astyna túsip ketken adamǵa alǵashqy kómekti qalaı kórsetý kerek
ShQO tótenshe jaǵdaılar departamenti baspasóz qyzmetiniń málimetine súıensek, óńirde kún jylyna bastady. Bul kezde muz borpyldaq bolady.
Soǵan oraı qutqarýshylar «Nazar aýdaryńyz! Juqa muz!» aktsııasyn ótkizdi.
«Ańyz boıynsha mektep oqýshylary sý aıdynyndaǵy muzda syrǵanap júrgen. Kenet oıyn balalarlyń biri muz astyna túsip ketti. Balalar jantalasa dostaryn qutqarýǵa tyrysty, biraq muz jaryla bastaǵanda qorqyp ketip, dereý «112» nómirine qońyraý shaldy. Oqıǵa ornyna dereý kelgen TJD qyzmetkerleri balany sýdan shyǵaryp aldy. Sodan soń onyń sý bolǵan kıimin qurǵaq kıimge aýystyryp, ystyq shaı berip jylytty», - delingen aqparatta.
Shara barysynda qutqarýshylar oqýshylarǵa tótenshe jaǵdaıda qalaı durys áreket etý kerektigin jáne muz astyna túsip ketken adamdy qalaı jylytý qajettigin túsindirdi.
«Zardap shekken adamdy múmkindiginshe tezirek kólikke nemese jyly bólmege aparyńyz. Osylaısha ony jel men sýyq aýa raıynan qorǵaısyz. Ústindegi dymqyl kıim men aıaq kıimdi sheship, denesin súlgimen nemese jumsaq shúberekpen súrtińiz. Ústin jyly kórpemen nemese kıimmen jabyńyz. Eger esinen tanbasa oǵan ystyq sháı berińiz. Eger basqa qurǵaq kıim bolmasa, zardap shekken adam qarǵa jatyp, aýnaýy kerek. Óıtkeni qar sýdy jaqsy sińiredi», - dep túsindirdi qutqarýshylar.
Eger zardap shegýshi dirildemese, ony qozǵalýǵa májbúrleýdiń qajeti joq.
Eshqandaı jaǵdaıda denesin ysqylamańyz, sebebi bul onyń dene temperatýrasynyń odan ári tómendeýine ákelip soǵady.
