Musylmandyq bes paryzdy oryndaýǵa barynsha jaǵdaı jasalǵan elde búlik jasaý kúná - Z.Orazbaev (FOTO)
«Qazaq eliniń tarıhynda, tipti, rý aralyq qarym-qatynasta dinı alaýyzdyq eshqashan bolmaǵan. Aqtóbe qalasyndaǵy lańkestik - teris aǵym jeteginde júrgenderdiń áreketi. Lańkestik toptardyń zulymdyǵy «memleketke qarsy shyǵý» dep atalady. Bul úlken qatelik pen dinı saýatsyzdyq. Memleketke qarsy shyǵýdyń dinı turǵydan ózindik sharty bar. Eger memlekette Islam dinine qatań tıym salynsa, musylmandardyń qulshylyq etýine múmkindik berilmeı kúsh kórsetilip jatsa qarsy shyǵý áreketi aqtalynady. Al, Islam dinine keńinen ruqsat berilgen, musylmandardyń emin-erkin qulshylyq etip, myńdaǵan meshittermen, ondaǵan medreselerde dinı bilim alýǵa, musylmandyq bes paryzdy oryndaýǵa barynsha jaǵdaı jasalǵan elde búlik jasaý úlken kúná. Lańkesterdiń bul áreketi Álı ıbn Ábý Talıbtyń zamanyndaǵy búlikshilerdiń isimen birdeı», - dedi Ǵulamalar keńesiniń múshesi Záripbaı Orazbaev.
Sonymen qatar, Záripbaı Orazbaev jıyn barysynda beıbit zamanda jazyqsyz azamattardyń janyn qııý Islam qaǵıdattary boıynsha qatań qaralanyp, azǵyndyq dep sanalatynan atap ótti.
