Musylmandarǵa til tıgizgen kompıýterlik oıyndarǵa tyıym salyndy
ASTANA. 14 sáýir. QazAqparat - Tekserý kezinde Birikken Arab Ámirlikterindegi dúken sórelerinen keıbir dinı arazdyqqa jol bergen kompıýterlik oıyndardyń kompakt-dıskileri tárkilenýde. Bul jaıynda «Ýmma-ınform» aqparat agenttigi habar taratty.
Tekserý amaldaryn júrgizgen Ámirliktiń ekonomıkalyq damý departamentiniń mundaı qadamǵa barýyna amerıkalyq oıyndardaǵy qasıetti Quranǵa qatysty musylmandardyń ar-namysyna tıetin boǵaýyz sózder sebep bolǵan. Atalmysh departamenttiń jetekshisi Isa Mısbah ál-Farda mundaı ónimder satylatyn dúkenderdiń jabylatynyn jetkizdi, dep habarlaıdy muslim.kz.
Ol ata-analardy balalaryn jaqsylyqqa tárbıeleýge shaqyryp, olardyń kompıýterde qandaı oıyn oınaıtynyn tekserip turýǵa keńes berdi.
Munymen toqtamaǵan ol Ekonomıka mınıstrligine el aýmaǵynda osy máselemen kúres júrgizý jóninde usynys tastady.
Budan bylaı amerıkalyq kompıýterlik osyndaı oıyndarǵa Saýd Arabııasynda tyıym salynatyn boldy.
