Musylmandarǵa arnalǵan krıptovalıýta jasalýy múmkin
ASTANA.QazAqparat - Aldaǵy eki jyl ishinde musylmandardyń halal krıptovalıýtasy paıda bolýy múmkin, dep habarlaıdy TASS.
Krıptovalıýta halal bankıngtiń quraly retinde qoldanylý máselesi ıslam qaýymdastyqtary arasynda talqylaýdan ótti. Bul týraly Qazanda ǵalymdar men qarjygerlerdiń qatysýymen ótken konferentsııanyń qorytyndysynda Reseı mýftattar keńesiniń jetekshisi Madına Kalımýllına aıtty.
«Jańa krıptovalıýta halal sıpatynda bolýy tıis. Ázirge sharıat standarttary bul máseleni qamtymaıdy, alaıda aldaǵy eki-úsh jyldyń ishinde ol jasalýy ábden múmkin», - dedi Kalımýllına.
Sarapshy maman qazirgi kezde birqatar musylman memleketterde bıtkoınǵa arnalǵan bırjalardyń paıda bolǵandyǵyn atap ótti. Máselen, BAÁ-de jasalǵan BitOasis Kýveıt, Bahreın jáne Saýd Aravııasynda qyzmet salasynda qoldanylýda.
Madına Kalımýllınanyń aıtýyna qaraǵanda, atalǵan qarjy tetiginiń biryńǵaı retteýshisiniń bolmaýy krıptovalıýtany qoldanýǵa qolbaılaý bolyp otyr.
«Bıtkoınǵa qarsy negizgi argýmentterdiń arasynda - táýekel deńgeıiniń joǵary bolýy (maısır) men belgisizdik (garar) jáne naqty aktıvter men memlekettik kepilderdiń bolmaýy jaǵdaılary bar»,- dedi ol.
