«Musylmandardyń sport lıgasy» quryldy
ASTANA. 1 qańtar. QazAqparat - AQSh-tyń Massachýsets shtatyndaǵy Vobrýn qalasynda asyl dinimizdiń beıbitshilik pen baýyrlastyq dini ekenin pash etý úshin «Musylman sport lıgasy» quryldy, dep jazady muslim.kz.
28 jastaǵy Odsen Paıtonnyń aıtýynsha, sport - adamdardy tabystyratyn qural. Ol ıslam dininiń adamzatty násiline, ultyna nemese túri men túsine qarap alalamaıtyn, birlikke shaqyratyn asyl ilimine den qoıyp, osyndaı uıym qurýdy jón kórgen eken.
2008 jyly irgetasy qalanǵan atalmysh uıym eriktilerdiń qarajaty esebinen jumys istep keledi.
Basketbol, fýtbol, amerıkalyq fýtbol men beısbol sekildi sport túrleri boıynsha jarystar uıymdastyryp keledi.
«Jyl saıyn bizdiń uıymǵa 500-600 adam keledi. Aýdıtorııamyz shaǵyn bolǵanymen qulashymyz keń», - dedi úninen maqtanysh lebi esken Paıton.
Atalmysh uıymnyń is-sharalaryna nanym-senimi ózgeler de qatysa alatynyn aıta ketý kerek.
