«Musylmandardyń páktigi» fılmine narazylyq bildirýshiler Týnıste amerıkandyq mektepti órtep jiberdi

dep habarlaıdy Reseılik jańalyqtar. Bilim berý mekemesi osy kúni jabyq bolǵan kórinedi. Qaza bolǵandar men zardap shekkender jaıynda aqparat joq.

Budan buryn juma kúni turǵyndardan quralǵan top AQSh elshiligi aýmaǵyna basyp kirýge umtylǵan edi, alaıda narazy topty polıtsııa toqtatty. Qaqtyǵystar barysynda 5 adam zardap shekken eken. Amerıkalyq dıplomatııalyq mıssııasy mańyndaǵy turaqqa janǵysh qospa salynǵan shólmekterdi laqtyrý saldarynan ondaǵy birneshe kólik órtengen.

Bıýdjeti tómen Innocence of Muslims («Musylmandardyń páktigi») fılminde musylmandardyń pikirinshe, Muhammed Paıǵambar óńsiz kórsetilgen. Osy oraıda bul Taıaý Shyǵys jáne Afrıkanyń onnan astam memleketinde narazylyq aktsııalaryn týdyrdy.

Naryzylyq bildirýshiler AQSh-tyń dıplomatııalyq ókildikterin basyp kirýde, sondaı-aq amerıkalyq týdy órtep jatyr.

Innocence of Muslims  fılmi 11 qyrkúıektegi teraktige oraılastyra AQSh-ta túsirilgen. Lentannyń jaryqqa shyǵýyna daýly amerıkandyq pastor Terrı Djons qatysqan. Budan buryn ol musylmadardyń qasıtetti kitaby - Qurandy órteý áreketin jasaǵan edi.