Musylmandar tsýnamıdi Allanyń synaǵy dep qabyldady
ASTANA. QazAqparat - Musylmandar tsýnamıdi Allanyń synaǵy dep qabyldady. Qaı jerde, qashan bolǵan dep otyrǵan shyǵarsyzdar. Áńgime osydan 10 jyl buryn Indonezııanyń Acheh provıntsııasynda oryn alǵan tsýnamı týrasynda bolyp otyr.
Árıne, osy ýaqyt ishinde bul aımaqta kóptegen nárse ózgergen bolatyn. Tipti, qoǵamdyq oı-pikir de. Tabıǵat apatqa tap bolyp, táýbesine kelgen talaı jandar osy oqıǵadan soń ózderiniń dinı senimderin bas tartyp, meshitke kóbirek keletin bolǵan, dep habarlady muslim.kz .
Sanaıǵaqtarǵa súıensek, 2004 jyly 26 jeltoqsan kúni Acheh provıntsııasynda bolǵan tabıǵı apattan 169 000 adam kóz jumyp, 600 000 jan baspanasyz qalǵan edi. Apat kesirinen Achehtegi 141 000 úı qırap, halyqtyń tórtten biri jumyssyz qalǵan-dy.
Provıntsııadaǵy musylmandar jamaǵaty bolsa, bul tabıǵı apatty raqymdy Alla Taǵalanyń ózderine jibergen synaǵy dep qabyldap, árbir istiń qaıyrly bolatynyna shúbásiz sengen. Rasynda, tosynnan kelgen tabıǵat apaty eldegi 30-jylǵa jýyq basylmaı kele jatqan azamattyq soǵysty toqtatty. Al, halyqaralyq uıymdardan kelip túsken gýmanıtarlyq kómek shyǵyn kóleminen birneshe asyp túsken kórinedi.
Apattan soń aımaqtaǵy jurt sharıǵat negizindegi zań jobalaryn qabyldaýdy talap etip, búgingi tańda Acheh Indonezııadaǵy Sharıǵattyq-quqyqtyq júıe engizilgen birden-bir provıntsııa atalyp otyr. Jergilikti halyq arasynda Acheh provıntsııasyn «Mekkege jol» dep te ataıtyn kórinedi.
