Musylmandar arasynan tuńǵysh chempıon
ASTANA. 8 qazan. QazAqparat - Áýesqoı boksshy Khan jaraqatyna baılanysty sporttan qol úzip, óziniń bala kúngi ermegi - aýyr atletıkamen aınalysa bastaıdy. Osylaısha, temir kóterý arqyly tánin shynyqtarǵan ony jarysqa qatysýǵa shaqyrady. Ol 29 jasynda halyqaralyq bodıbılder federatsııasynyń ataǵyn jeńip alyp, Ulybrıtanııadaǵy tuńǵysh kásibı musylman bodıbılder atanady. Bul týraly Muslim kz. habarlaıdy.
Khan negizinde Pákistannyń Kashmır ólkesinde týyp-ósken. Bala kúninen Shvartsenegger men Stalloneǵa eliktep ósken Khan bokstan kol úzgen soń, sporttyń osy túrimen shuǵyldanady.
Khan ýaqytynyń kóbi túrli elderge jarystarǵa qatysýǵa ketse de, bes ýaqyt namazyn qaza qylmaıdy. Alaıda, ol qasıetti Ramazan aıynda kásibine baılanysty qınalyp qalatynyn jetkizdi. Onyń aǵzasy ár saǵat saıyn 5000 kalorııany qajet etetinin aıta ketý kerek.
Salmaǵy 140 keli tartatyn ol: «jattyǵý kestesiniń tyǵyz bolǵanyna ári saparǵa kóp shyǵatynyma qaramastan paryzdarymdy oryndaýǵa tyrysamyn. Meshitke jıi bas suǵyp, juma namazynan qalmaımyn», - deıdi.
Ol qazirgi ýaqytta Las-Vegas megapolısinde ótip jatqan Olympia Fitness and Performance Expo dodasynda júr.
