Musylman ǵalymdary terini jasartatyn krem oılap tapty
ASTANA. QazAqparat - Úndi elindegi Alıgarh ýnıversıtetiniń zertteýshi ǵalymdary qartaıýǵa qarsy krem oılap tapty. Nanotehnologııa negizinde jasalǵan kremniń áser etýi de erekshe deıdi olar. Qazirgi ýaqytta ýnıversıtet atalmysh ónimdi patenttep, onyń jasalý joly men quramyn bazar naryǵyna shyǵarýdy josparlap otyr.
Kremdi oılap tapqan qoldanbaly fızıka kafedrasynyń oqytýshylary doktor Alım Nakvı, Brıdj Radj jáne Vasır Han esimdi ǵalymdar ózderi ashqan jańalyqtyń kárilikke qarsy kosmetıka álemin dúr silkinterine senimdi. «Bizdiń ónim tolyqtaı tabıǵı qospalardan ázirlengen. Sondaı-aq, daıyndalýy da ózge ónimderge qaraǵanda, eki ese arzanǵa túsedi. Osyǵan sáıkes, bazardaǵy baǵasy da tómen bolady», - deıdi Alım Nakvı.
Osydan bir jyl buryn kafedra ǵalymdary jemis-jıdekter men kókenisterdi uzaq saqtaýdyń tıimdi tásilin oılap tapqan bolatyn. Olar oılap tapqan tehnologııa negizinde kókónister men jemisterdi bólme temperatýrasynda 2 aıdan artyq merzimde saqtaýǵa bolady.
Bul týraly muslim.kz jazady.
