Musylman dáriger tegin kómek kórsetýde
ASTANA. 26 aqpan. QazAqparat - Musylman dáriger muqtajdarǵa qol sozýdy ósıet etken ıslam dástúrin jańǵyrtyp, Ońtústik Karolınada tegin medıtsınalyq ortalyq ashty.
Bul týraly muslim.kz jazdy.
«Ralf H. Djonson» atyndaǵy medıtsınalyq ortalyqtyń gınekolog dárigeri Reshma Han ótken jyldyń qańtar aıynda áıelderge arnalǵan tegin keńes berý keńsesin ashty. Úsh bólmeli keńseniń jaldaý aqysyn Soltústik Amerıkadaǵy Islam ortalyǵy óz moınyna aldy.
Emhanada jaǵdaıy tómen, medıtsınalyq saqtandyrý qujaty joq áıelderge olardyń nanym-senimine baılanyssyz tegin kómek beriledi.
Qaıyrymdylyq emhanasynda 20 shaqty adam óz erkimen jumys isteıdi. Sondaı-aq, muqtajdarǵa kómek kórsetkisi keletin birneshe kompanııa emhana jumysyna atsalysady.
Reshma Hannyń jubaıy Ahsan Hannyń da mamandyǵy dáriger. Ol medıtsınalyq ortalyqtyń qamqorlyq keńesiniń quramyna kirgen.
Medıtsınalyq ortalyqqa kómek surap keletin naýqastardyń deni ózge nanym-senimdegi adamdar. Máselen, 4 balanyń anasy Ilıan Moreno tolyq tekserýden ótý úshin 600 dollar tóleýge shamasy kelmeıtinin aıtyp, osy emhanada tegin qaralǵan.
