«Musylman baýyrlar» qozǵalysynyń kóshbasshysy Kaırde ustaldy
ASTANA. 20 tamyz. QazAqparat - Mysyr astanasynda «Musylman baýyrlar» uıymynyń rýhanı ustazy Muhammed Badııa ustaldy.
Bul týraly Reseı Jańalyqtar agenttigi habarlady.
Jergilikti BAQ-tardyń málimetterine sáıkes, ol Kaır qalasynyń mańyndaǵy kúsheıtilgen rejımdegi túrmege jetkizildi.
Buǵan deıin Mysyrdyń kúsh qurylymdary uıymnyń joǵarǵy tálimgeriniń birqatar orynbasarlaryn - Haırat ash-Shatyr men Rashad al-Baııýmıdi tutqyndaǵan bolatyn. Qozǵalystyń basshylyǵyna, sondaı-aq taqtan taıdyrylǵan el prezıdentine qatysty tyńshylyq, zorlyq-zombylyqqa azǵyrý jáne memleket ekonomıkasyna úlken shyǵyndar keltirý faktileri boıynsha qylmystyq is tergelýde.
Ótken aptada qaqtyǵystar barysynda ot jaraqatynan Muhammed Badııanyń uly - Omar al-Badııa qaza boldy. Ol «Musylman baýyrlar» qozǵalysynyń áskerılerge qarsy qaqtyǵysyna qatysqan bolatyn.
Eske salaıyq, Mysyr prezıdenti Muhammed Mýrsı mysyrlyq áskerılermen onyń basqarýshylyǵyna qarsy kópshiliktiń narazylyq kóterilisteri barysynda 3 shilde kúni taqtan taıdyryldy.
