Musylman áıeli óz qarjysyna balabaqsha ashty
ASTANA. QazAqparat - Kórshiles qyrǵyz elinde turatyn Taalaıkúl Begalıeva esimdi musylman áıeli óz qarjysyna balabaqsha ashýdy jón sanapty, dep jazady muslim.kz.
«Balamdy jaqsy balabaqshaǵa bergim kelip kóp izdedim. Tipti, birnesheýin aýystyryp ta úlgerdik. Aqyr sońynda ózim balabaqsha ashýǵa bel baıladym. Alǵashynda kóptegen qıyndyqtar boldy. Qajetti qujattardy jınaý barysynda barmaǵan jerim, qaqpaǵan esigim qalmady. Qansha kúsh-jigerim men ýaqytym ketti deseńizshi!» - dep eske alady ol.
Taalaıkúl qazir óziniń balabaqshasynda 15 búldirshindi tárbıelep otyr. Degenmen, balabaqsha ǵımaraty 50 búldirshinge arnalǵan kórinedi.
