Mustafa Shoqaıdyń emıgratsııada ýkraın, grýzın, ázirbaıjan, osetın jáne taǵy basqa halyqtardyń saıası qaıratkerlerimen jazysqan hattarynyń túpnusqasy tabyldy - D. Qaseıinov
/strong>Shildeniń 8-i. QazAqparat /Ádilet Musahaev/ - Tabylǵan qujattardyń jalpy sany 100 jáne ol 340 betti quraıdy. Bulardyń negizgi bóligi M.Shoqaıdyń emıgratsııada ýkraın, grýzın, ázirbaıjan, osetın jáne taǵy basqa halyqtardyń saıası qaıratkerlerimen jazysqan hattarynyń túpnusqasy.
Bul jaıynda «TÚRKSOI» halyqaralyq uıymynyń Bas hatshysy Dúısen Qaseıinov M.Shoqaıdyń qujattaryn Ortalyq memlekettik muraǵatqa tapsyrý rásiminde aıtty, dep habarlaıdy QazAqparat.
D. Qaseıinov sonymen qatar 188 betti quraıtyn 84 hatpen atalmysh qoǵam qaıratkeriniń 6 tól maqalasynyń túpnusqasy bar ekenin jetkizdi. «Sondaı-aq, emıgratsııada basqa da avtorlar jazǵan 3 maqala, 1 roman jáne Mustafanyń Túrkistan ulttyq ortalyǵy atynan 1940 jyly Ystambulda berilgen ókilettik kýáligi men bir qatar qujattar bar. Eń mańyzdysy - bulardyń bári túpnusqa qujattar jáne kópshiligi buryn belgisiz bolyp kelgen muralar», deıdi Bas hatshy.
Sonymen qatar ol 80 jyl buryn jazylǵan Mustafanyń hattarynan onyń biliminiń joǵary dárejede ekendigin, salıhaly ári mádenıetti adam bolǵanyn jáne eliniń bolashaǵy, ultymyzdyń bostandyǵy úshin qandaı kúsh- qaırat jumsaǵanyn ańǵarýǵa bolatyndyǵyn jetkizdi.
