Mustafa Shoqaıdyń 13 tomdyq eńbekteriniń tolyq jınaǵy aıaqtalyp qaldy - M. Ábýseıitova
ALMATY. 18 qarasha. QazAqparat /Názıra Eleýhan/ - Qazirgi ýaqytta Mustafa Shoqaıdyń ár tomy 30 baspa tabaqtan turatyn 13 tomdyq eńbekteriniń tolyq jınaǵy aıaqtalyp qaldy. Bul týraly búgin Almatyda ótken «Mustafa Shoqaıdyń ǵylymı murasy jáne qazirgi zaman» atty halyqaralyq ǵylymı konferentsııa barysynda R.B.Súleımenov atyndaǵy Shyǵystaný ınstıtýtynyń dırektory, tarıh ǵylymdarynyń doktory, professor Merýert Ábýseıitova málim etti.
Onyń aıtýynsha, endi ol jınaqtardy mátindik taldaýdan ótkizý jáne arheografııalyq talaptar turǵysynan óńdeý jumystary kútip tur. «Bilim jáne ǵylym mınıstrligi qoldasa, kelesi jyldan bastap álemniń birde-bir elinde anology joq bul jınaqtyń alǵashqy tomdaryn baspaǵa tapsyrmaqpyz»,-dedi ol.
