Mustafa Shoqaıdy eske alýǵa arnalǵan respýblıkalyq týrnır ótedi
ASTANA. QazAqparat - 12-13 jeltoqsan kúnderi Qyzylorda oblysynyń Shıeli kentinde QR Táýelsizdigi kúni aıasynda Mustafa Shoqaıdy eske alýǵa arnalǵan qazaq kúresinen respýblıkalyq týrnır ótedi, dep habarlaıdy QazAqparat.
Týrnır 2001-2002 jyldary týylǵan jasóspirimder arasynda ótedi.
Osymen 12-shi márte uıymdastyrylatyn dodaǵa Almaty qalasy, Almaty, Aqtóbe, Atyraý, Batys Qazaqstan, Jambyl, Mańǵystaý, Ońtústik Qazaqstan, Pavlodar, Shyǵys Qazaqstan, Qostanaı jáne Qyzylorda oblystarynan 200-deı balýan baq synaıdy.
Jarys 9 salmaqta (38, 42, 46, 51, 57, 64, 73, 81, +81 keli) ótkiziledi.
Respýblıkalyq týrnırdi Qyzylorda oblysynyń dene shynyqtyrý jáne sport basqarmasy men Shıeli aýdanynyń ákimdigi uıymdastyrýda.
