Mustafa Shentop: Parlamenttik dıplomatııanyń mańyzdylyǵyn umytpaý kerek
«Ótken jyly Antalııada Eýrazııa elderi parlamentteri tóraǵalarynyń úshinshi keńesin ótkizgen bolatynbyz. Ár sammıt saıyn qatysýshylar sanynyń artýy men talqylanatyn taqyryptyń aýqymy qýantyp otyr. Atap aıtqanda, QR Tuńǵysh Prezıdenti Nursultan Nazarbaevqa mańyzdy bastamalary men usynystary úshin alǵysymyzdy aıtqymyz keledi», - dedi M. Shentop.
Osy oraıda ol álemde qordalanǵan máselelerdi sheshý úshin kelissózder júrgizý bastamasyna aıryqsha ekpin qoıdy.
«Sońǵy jyldary álemde problemalardy sheshýde parlamenttik dıplomatııa jańa elementke aınalyp otyr. Meniń oıymsha, osy baǵyttaǵy qadamdar ózara dıalogty nyǵaıtýǵa tyń serpin beredi dep oılaımyn. Sondyqtan parlamenttik dıplomatııanyń ishki jáne syrtqy saıasatta mańyzdy ról atqaryp keledi. Eýrazııa kontınentinde kúrdeli máselelerdi talqylaýda parlamenttik dıplomatııany belsendirek paıdalanýymyz kerek. Mańyzdy sheshimder jasaý ortalyǵy Eýropadan Azııaǵa qaraı oıysyp kele jatqan osy kezeńde biz jańa jobalardy pysyqtaýymyz qajet», - dedi Túrkııa Uly Ulttyq Jınalysynyń spıkeri.
Budan buryn habarlanǵandaı, elordadaǵy Táýelsizdik saraıynda «Úlken Eýrazııa: Dıalog. Senim. Seriktestik» taqyrybynda Eýrazııa elderi parlamentteri tóraǵalarynyń IV Keńesi jumysyn bastady.