Mustafa, Musa, Hadııa: Shymkentte 24 jastaǵy kelinshek úshem bosandy
ShYMKENT. KAZINFORM — 24 jastaǵy qala turǵyny Ferýza Rahımova alǵashqy júktiliginde úshem — eki ul men bir qyzdy dúnıege ákeldi.
Náresteler júktiliktiń 31-aptasynda, ıaǵnı merziminen buryn dúnıege kelgen. Bastapqyda olardyń jaǵdaıy aýyr bolyp, jańa týǵan shaqalaqtar biraz ýaqyt tynys alý apparatynyń kómegine muqtaj boldy. Sábıler jansaqtaý bóliminde dárigerlerdiń jiti baqylaýynda jatty.
Degenmen, dárigerlerdiń bilikti kómeginiń arqasynda sábıler ómir úshin kúresti jeńip shyqty. Qazir olar ana sútimen qorektenip, salmaq qosyp keledi. Anasy men úshemderdiń jaǵdaıy jaqsy. Qýanyshqa kenelgen otbasy úshemge Mustafa, Musa, Hadııa dep esim bergen.
Aıta keteıik, Shymkent qalasynda týý kórsetkishi jyl sanap artyp keledi. 2025 jyldyń basynan beri munda 12 648 sábı dúnıege kelgen. Olardyń ishinde 149 egiz jáne úsh úshem tirkelgen.
Eske sala keteıik, budan buryn Shymkentte jańa týǵan náresteniń júregine kúrdeli ota jasalǵanyn jazǵan bolatynbyz.