Múslim Jıenbaev QR SRIM Ǵylym jáne ınnovatsııa departamentiniń dırektory bolyp taǵaıyndaldy
Qazaqstan Respýblıkasy Sý resýrstary jáne ırrıgatsııa mınıstriniń buıryǵymen Múslim Jıenbaev Ǵylym jáne ınnovatsııa departamentiniń dırektory bolyp taǵaıyndaldy, dep habarlaıdy Kazinform mınıstrliktiń baspasóz qyzmetine silteme jasap.
Múslim Rysmahanuly 1967 jyly 6 jeltoqsanda Jambyl oblysynda dúnıege kelgen.
1994 jyly Jambyl gıdromelıoratıvtik – qurylys ınstıtýtyn bitirgen.
Eńbek jolyn 1985 jyly jumysshy bolyp bastady.
1995-2003 jyldary Taraz qalasynyń sý sharýashylyǵy ǵylymı-zertteý ınstıtýty zerthanasynyń aspıranty, kishi ǵylymı qyzmetkeri, aǵa ǵylymı qyzmetkeri;
2003 – 2006 jyldary «Qazagromelısýshar» RMO MM normatıvtik-ádistemelik qamtamasyz etý bóliminiń basshysy, jetekshi ǵylymı qyzmetker - bólim bastyǵy;
2006 – 2014 jyldary Sý resýrstary komıtetiniń mamany, bas mamany, bólim basshysy, bas sarapshysy, basqarma basshysy;
2014 – 2019 jyldary Transshekaralyq ózender departamenti basqarmasynyń basshysy;
2019 – 2022 jyldary QR Ekologııa, geologııa jáne tabıǵı resýrstar mınıstrligi Transshekaralyq ózender departamenti dırektorynyń orynbasary boldy.
