Muslim.kz portaly Mekke men Madına shaharynan tikeleı fotoreportaj júrgizedi
ASTANA. QazAqparat - Qasıetti qajylyq maýsymy jaqyndaǵaly jan-jaqtan aǵylǵan qajylar legi Mekke men Madına shaharyna kún sanap quıylyp jatyr desek te bolǵandaı, dep jazady www.muslim.kz.
"Atalmysh saparǵa elimizden 4000-nan astam adam baratynyn saıtymyzdyń aldyńǵy sandarynda jazǵan bolatynbyz. Qajylardyń alǵashqy legi Almaty qalasynan aldyńǵy kúni attanyp ta ketken edi. Sondaı-aq, QMDB-nyń tóraǵasy, Bas muftı Erjan qajy Malǵajyulynyń qatysýymen búgin qajylardyń kelesi bir tobyn shyǵaryp salý rásimi ótti. Aıtýly saparǵa alǵashqy toppen birge Astana qalasyndaǵy «Áziret Sultan» meshitiniń Muslim.kz portalynyń fototilshisi de attanǵan bolatyn. Osylaısha, óz oqyrmandarymyzǵa qasıetti Madına men Mekke shahary jaıly, kúlli musylmannyń qubylasy bolǵan Qaǵba men qara tas jaıly, qajylyqtyń basqa da rásimderi jaıly oqıǵa ornynan fotoreportaj usynyp otyratyn bolamyz", - delingen portaldyń jarııalanymynda.
Saıttyń jazýynsha, qazirgi kezde Paıǵambarymyzǵa (s.ǵ.s.) meken bolǵan qasıetti Madına shaharyna jetken fototilshi qalanyń tynys-tirshiligi men tań namazynyń qalaı ótkendigi jaıly sýretter joldap otyr. Sýretterdi «FOTOGALEREıA» aıdarynan kóre alasyzdar!
