Músirepov teatry Shekı qalasynda ótetin halyqaralyq teatr festıvaline qatysady
ASTANA. QazAqparat - 2014 jyldyń 9-19 qyrkúıek aralyǵynda Ázirbaıjan Respýblıkasynyń Shekı qalasynda ótetin I Halyqaralyq teatr festıvali ótedi. Atalmysh festıvalge Ǵ.Músirepov atyndaǵy Qazaq memlekettik akademııalyq balalar men jasóspirimder teatry aqyn, dramatýrg Iran Ǵaıyptyń «Estaıdyń Qorlany» mahabbatnamasy qoıylymymen qatysady, dep habarlady teatrdyń baspasóz qyzmeti.
Óner ujymynyń qoıýshy rejısseri, QR eńbek sińirgen artısi, «Qurmet» ordeniniń ıegeri Murat Ahmanov; Qoıýshy sýretshisi - Indıra Ihsan; Mýzykasyn kórkemdegen - Torǵyn Raqymbaeva.
Aqyn, dramatýrg, Memlekettik syılyqtyń laýreaty Iran Ǵaıyptyń «Estaıdyń Qorlany» qoıylymy - jan dúnıeńizge astań-kesteń túrli kúılerdi keshtirip, Mahabbat - Áleminiń qudiretine bas ıdireri haq. «Estaıdyń Qorlany» mahabbatnamasy ǵumyr boıy taza, adal da pák ǵashyqtyq sezimderin aıalaı bilgen qos muńlyq - Estaı men Qorlan jaıyndaǵy qoıylym-dastan.
