Músirepov teatry «ASSITEJ»-diń Qazaqstandaǵy ortalyǵy bolyp jarııalandy
ASTANA. QazAqparat - Ǵ.Músirepov atyndaǵy Qazaq memlekettik akademııalyq balalar men jasóspirimder teatry «ASSITEJ» dúnıejúzilik qaýymdastyǵynyń Qazaqstandaǵy ortalyǵy bolyp jarııalandy.
Bul týraly QazAqparat tilshisine teatrdyń baspasóz hatshysy Maıa Ádilhan habarlady.
«Álemniń 83 memleketi qatysatyn bul uıymdar qataryna tuńǵysh ret memleketimizdiń óner oshaqtary 84-shi múshe retinde qabyldandy. Aıta ketsek, «ASSITEJ» dúnıejúzilik balalar men jasóspirimder teatrlar qaýymdastyǵy 1965 jyly qurylǵan. Uıymnyń negizgi maqsaty - balalar men jasóspirimderdi teatr álemine qyzyqtyrý, teatr ónerin nasıhattaý»,-deıdi M.Ádilhan.
Sonymen, Ǵ.Músirepov atyndaǵy Qazaq memlekettik akademııalyq balalar men jasóspirimder teatry; Astana Jastar teatry; T.Júrgenov atyndaǵy Qazaq ulttyq óner akademııasy;J.Elebekov atyndaǵy Respýblıkalyq estrada jáne tsırk kolledji; T.Júrgenov atyndaǵy Qazaq ulttyq óner akademııasynyń kolledji «ASSITEJ» dúnıejúzilik qaýymdastyǵynyń Qazaqstandaǵy músheleri bolyp tirkeldi.
