Músinge shyqqan segiz jasar qyz bala qulap, ajal qushty
ASTANA. QazAqparat - Voronej oblysynda mekteptegi sýburqaqqa qoıylǵan músinge shyqqan segiz jasar qyz ajal qushty.
RF TK óńirlik tergeý basqarmasynyń derekteri boıynsha, qaıǵyly jaǵdaı keshe, 27 qyrkúıekte Repevskıı aýdanyndaǵy Krasnolıpe eldi mekeninde bolǵan.
Sabaq bitkennen soń oqýshy músinge shyǵyp ony teńselte bastaǵan. Artynsha ańdamaı qulap ketip,basseınniń beton edenine baspen túsken. Alǵan jaraqat saldarynan qyz bala sol jerde ajal qushty.
RF TK keleńsiz jaǵdaıǵa baılanysty qylmystyq is qozǵady.
